Gallwch gwyno am Ddatblygwr Cofrestredig [sydd wedi'i gofrestru gyda'r Bwrdd Ansawdd Cartrefi Newydd].
Mae rhestr o'r Datblygwyr Cofrestredig i'w gweld yma a chaiff ei diweddaru'n rheolaidd. Mae'r rhestr hefyd yn dangos y dyddiad y daethant o dan awdurdodaeth Gwasanaeth yr Ombwdsmon Cartrefi Newydd.
Gallwch gwyno am broblemau sydd wedi codi o hyd at ddwy flynedd ar ôl neilltuo’r eiddo neu’r cwblhad cyfreithiol, pa un bynnag sydd fwyaf diweddar. Rhaid i'r dyddiad neilltuo fod ar ôl i'r Datblygwr Cofrestredig ddod o dan Gynllun yr Ombwdsmon Cartrefi.
Rhaid i'r gŵyn ymwneud â thorri'r Cod Ansawdd Cartrefi Newydd. Fodd bynnag, os nad ydych yn sicr a yw eich cwyn ynghylch tor-amod, rhowch fanylion llawn eich cwyn i ni a byddwn yn ymchwilio i hyn i chi.
Mae rhai enghreifftiau o faterion y gellir cwyno amdanynt yn cynnwys [ond nid yw hon yn rhestr gynhwysfawr]:
- Datblygwr Cofrestredig yn darparu gwybodaeth gamarweiniol i gwsmer yn ystod y broses farchnata a gwerthu megis am faint yr eiddo, pris yr eiddo neu'r gwasanaethau rheoli a ddarperir.
- Ymddygiad gwasanaeth cwsmeriaid Datblygwr Cofrestredig neu staff ar y safle.
- Ymddygiad y datblygwr drwy gydol y broses Neilltuo a Chwblhau.
- Problemau wrth ddatrys unrhyw broblemau gyda mân-ddiffygion ar ôl cwblhau.
- Materion yn ymwneud â sut mae'r Datblygwr wedi ymdrin â'ch cwyn.
- Unrhyw atebion arfaethedig i'r materion nad ydych yn fodlon eu derbyn.
- Oedi cyn datrys problemau.